día lletres

Esti vienres 8 de mayu a les 19:30 hores convocámoste a la manifestación pola oficialidá del Día de les Lletres Asturianes.
Ye una fecha a la que naide pue faltar porque ye cuando se fai visible'l compromisu ciudadanu con una reivindicación que busca un futuru dignu pal asturianu y que sigue ensin atopar respuesta nos partíos gobernantes.
Amás, como sabes, esti añu l'Academia de la Llingua Asturiana va facenos una reconocencia pública pol llabor d'estos más de 30 años de llucha pola oficialidá. Por eso, tampoco nun pues faltar nel actu del Campoamor, porque tu yes parte d'esi llabor, d'esa llucha qu'entamemos va munchos años, pero na que nun vamos aparar.

Puxa Asturies
Puxa l'asturianu
L'asturianu, llingua oficial

Esti Día de les Lletres del 2012 vamos volver a reivindicar nes cais l'estatus d'oficialidá pa la llingua asturiana y el desarrollu d'una política llingüística amañosa que faiga posible que l'idioma sobreviva pa les xeneraciones futures. Nos tiempos dificiles ye cuando más hai qu'amosar el compromisu y la ilusión con un proyectu que nos va definir siempre como comunidá.