xdla

La XDLA refuga la escepcionalidá de reconocer derechos fundamentales condicionándolos

Nov
07

Dende qu’Adrián Pumares punxera sobre la mesa'l so votu favorable a la oficialidá cola llimitación d’esixir una mayoría reforciada de 3/5 de la Xunta Xeneral p’aprobar tamién la llei que la desarrolle, ta medrando’l ruxerrux de si podría ser aceptable esa comenencia pal movimientu de defensa de la llingua… Nun lo ye.

Esa condición equivaldría a conceder capacidá de vetar cualquier desarrollu posterior de la oficialidá a una minoría de 19 votos de los 45 totales. Un estorbu inaceptable pal avance en cualquier otru derechu social, inaceptable tamién pa los derechos llingüísticos.

Supondría pasar d’una escepcionalidá, la falta d’oficialidá del asturianu y del gallego-asturianu, a otra tanto o más llimitante, duradera y peligrosa pa la recuperación de dambes llingues, la imposibilidá d’aprobar lleis de desenvolvimientu de la oficialidá qu’aseguren el futuru de la identidá llingüística d’Asturies.

La Xunta pola Defensa de la Llingua Asturiana nun lleva trabayando 38 años pa terminar entregando’l trunfu de la oficialidá a los enemigos acérrimes de la diversidá llingüística. Vamos siguir lluchando por una oficialidá qu’enconte la normalización y denunciando los intentos de balerala de significáu y aplicación, vengan de quien vengan.

Posted By xdla read more

Homenaxe a Yolanda Huergo con música y compromisu

Sep
21

La Xunta pola Defensa de la Llingua Asturiana entama pa esti domingu 26 de setiembre a les 12:30 hores un homenaxe a la que foi la so compañera, militante na organización, Yolanda González Huergo, fallecida'l 6 d'agostu del 2020. Nel actu va haber música de la mano de grupos como Felpeyu y L-R, amás d’intervenciones de persones que conocieron a Yolanda y el so compromisu social y políticu.

Posted By xdla read more

La XDLA considera poco ambiciosu’l proyectu de presupuestos autonómicos pa política llingüística

Dec
02

El continuismu vuelve a marcar les cuentes d’un Gobiernu que fai declaraciones en favor de la supervivencia del idioma pero que nun lo traduz en más inversión.

La cantidá dedicada a la Dirección Xeneral sigue siendo pequeña y d’ella destínense 100.000 euros a una RTPA que paez facer programes normalizadores namás si la subvencionen.

Posted By xdla read more

Cursu llingua asturiana avanzáu (ONLINE)

May
13

La Xunta pola Defensa de la Llingua Asturiana entama un cursu d’afondamientu llingüísticu on line pa persones adultes de 20 hores de duración, onde los alumnos y alumnes van poder perfeccionase nel bon usu del idioma tanto a nivel escritu como oral, amás de nes rellaciones ente llingua y sociedá.

Posted By xdla read more

La XDLA reclama a la FSA-PSOE, Podemos Asturies y IX qu'entamen a trabayar pa que la Xunta Xeneral apruebe'l contratu-programa de RTPA

Jan
20

La organización de defensa del idioma solicita la comparecencia del director de los medios públicos, Francisco Orejas, en sede parllamentaria, porque va más d'un añu desque Antonio Virgili compareciera na Comisión de Control de RTPA.

RPA dedica nestos momentos 0 minutos a la selmana a la programación n'asturianu, lo que nun se producía dende'l 2011, col Gobiernu de Francisco Álvarez-Cascos.

Posted By xdla read more

La XDLA considera un ataque a la llegalidá y al patrimoniu asturianu la decisión de los grupos políticos de Valdés sobre la toponimia tradicional

Sep
19

La Xunta pola Defensa de la Llingua Asturiana (XDLA) refuga la decisión de los grupos municipales del Conceyu de Valdés -PSOE, Cs, PP, Avanza Valdés y Foru- de llevar al Plenu una moción pa que tola toponimia del conceyu caltenga la forma acastellanada y deturpada al llau de la forma tradicional.

Posted By xdla read more

La XDLA pide al Gobiernu asturianu nuevu que la RTPA sía reflexu del cambéu de sensibilidá pa cola llingua asturiana

Sep
19

L'añu que vien van cumplise 14 años de magar empezaron a emitir la radio y la televisión pública asturiana (RTPA). Foron 14 años onde l'asturianu apareció -a pesar de los éxitos d'audiencia- a cuentagotes y onde, contra tou pronósticu, la presencia del idioma foi a menos añu a añu.

Posted By xdla read more

El patrimoniu llingüísticu tien que ser un factor fundamental dientro de la candidatura de la cultura sidrera

Jan
16

La Xunta pola Defensa de la Llingua Asturiana (XDLA) solicita a la Conseyería de Desenvolvimientu Rural y Recursos Naturales que tenga en cuenta’l vocabulariu tradicional y el patrimoniu llingüísticu dientro de la candidatura de la cultura sidrera asturiana a patrimoniu inmaterial de la humanidá de la Unesco. Nesi sentíu, la Conseyería anunció que diben promocionar la candidatura al traviés de delles actividaes que se van poner en marcha estos díes. La XDLA quier recordar que’l nuestru idioma tien que xugar un papel fundamental en tol procesu porque la llingua ye parte indisociable de la cultura de la sidra, una cultura que s’espresa n’asturianu.

Posted By xdla read more

Proyectu 2018: siguen los contactos pa la reforma del Estatutu.

Oct
20

Ayeri axuntamos col Secretariu Xeneral de la FSA, Adrián Barbón, per primer vez depués de que nel so congresu declararen y aprobaren el compromisu de la formación de defender la oficialidá del asturianu.

Posted By xdla read more

LA XDLA celebra’l pasu dau pola FSA nel camín hacia la oficialidá

Oct
04

El domingu foi un día de celebración pa los y les militantes socialistes qu’entienden que nun se pue defender una llingua ensin respetar los derechos de la xente que la fala: una propuesta de la militancia a favor de lluchar por una futura oficialidá de la llingua, defendida nes agrupaciones llocales, algamaba’l preste nel 32º congresu de la FSA-PSOE. La Xunta pola Defensa de la Llingua Asturiana compartió la celebración y felicitó a los protagonistes d’esi alcuerdu. Entendemos l’allegría de sentir que’l to partíu por fin pue ser parte de la única solución aceptable pal conflictu llingüísticu d’Asturies: el reconocimientu de la oficialidá del asturianu y del gallego-asturianu

Posted By xdla read more

Pages

Subscribe to RSS - xdla