Oficialidá

La XDLA denuncia que l'asturianu va quedar fuera de Netflix énte la pasividá del Gobiernu de Barbón

Mar
16

Netflix va doblar y subtitular al catalán, gallegu y vascu 70 producciones nesti 2022. En total, anguaño va haber 600 hores subtitulaes y 70 doblaes. Amás, van sumase títulos nuevos nos años vinientes cola subtitulación de series y películes internacionales y el doblaxe de títulos infantiles y familiares. Per otru llau, los Gobiernos autonómicos anunciaron que diben siguir trabayando con Netflix pa producir conteníos orixinales nos sos idiomes y incorporar a otres plataformes películes yá doblaes pola so televisión autonómica.

Posted By xdla read more

NUN NOS VAN CALLAR

Feb
16

Pa quien pueda pensar que la movilización na cai faise sola y ye gratis, ta bien que repare no difícil que ye llevala alantre y tamién no que podemos ayudar caún y caúna de nós pa fortalecer el movimientu. La situación política actual failo más necesario que nunca.

Posted By xdla read more

La XDLA llama a la movilización pola oficialidá de les llingües d'Asturies

Jan
29

La concentración va ser esti xueves 3 de febreru, a les 19:30h, na Xunta Xeneral n'Uviéu

Posted By xdla read more

La oficialidá, los espacios y los tiempos

Jan
21

Acaben de cumplise 40 años de vixencia del Estatutu d’Autonomía p’Asturies, que nació ensin reconocer la oficialidá de les nuestres llingües propies: l’asturianu y el gallego-asturianu. Pue discutise si’l restu del articuláu avieyó dignamente o venció ensembre, pero l’artículu 4, el qu’habría reconocer los derechos llingüísticos de la ciudadanía, lleva años arregallando peles costures a pesar del intentu d’arremendalu cola reforma cosmética de 1999 y l’aprobación de la Llei d’Usu y Promoción del Asturianu, claramente insuficientes.

Posted By xdla read more

La XDLA denuncia que TPA dedica cero minutos nes navidaes a los conteníos infantiles n'asturianu

Jan
03

Mentes el restu de Gobiernos autonómicos trabayen pa llevar les sos llingües a les plataformes audiovisuales, n'Asturies nin se cumple col Estatutu actual y la Llei d'Usu

Posted By xdla read more

XXXVII PREMIOS ANDRÉS SOLAR

Dec
10

Tamos énte la 37.ª edición de los Premios Andrés Solar y la Xunta pola Defensa de la Llingua Asturiana abre a tola xente interesao la posibilidá de proponer candidatures pal Pegollu, el premiu que reconoz a aquella persona o entidá que destacare nesti añu 2021 por normalizar l'usu del asturianu.

Les candidatures, razonaes, han unviase enantes del 31 d'avientu a info@exunta.org y un xuráu va valorar los méritos y escoyer ente toles candidatures presentaes

Posted By xdla read more

La Xunta pola Defensa de la Llingua Asturiana pide a los grupos parllamentarios eliminar les rayes coloraes na negociación sobre la reforma del Estatutu

Nov
28

Nin los asturianos y asturianes merecemos menos derechos que’l restu de la ciudadanía del Estáu, nin les llingües propies d’Asturies merecen menos protección que les demás llingües. Por eso, la Xunta pola Defensa de la Llingua Asturiana (XDLA) quier treslladar al Grupu Parllamentariu Socialista y al Gobiernu asturianu la necesidá d’entamar yá la reforma del Estatutu d’Autonomía, proponiendo una redacción nueva del artículu 4.u que reconoza al asturianu y al gallego-asturianu como llingües oficiales.

Posted By xdla read more

La XDLA denuncia les partíes presupuestaries que nun va recibir la industria audiovisual asturiana pola falta d'oficialidá

Nov
28

La Xunta pola Defensa de la Llingua Asturiana (XDLA) denuncia que, pola falta d'oficialidá del asturianu, el nuestru idioma va quedar fuera de la Llei Audiovisual estatal nueva. Amás de dexar al asturianu ensin espaciu en plataformes como Netflix, HBO, Disney o Amazon, les productores d'esta tierra nun van poder acceder a les partíes presupuestaries que l'Estáu va crear pa fomentar la producción audiovisual nes llingües oficiales.

Posted By xdla read more

La XDLA refuga la escepcionalidá de reconocer derechos fundamentales condicionándolos

Nov
07

Dende qu’Adrián Pumares punxera sobre la mesa'l so votu favorable a la oficialidá cola llimitación d’esixir una mayoría reforciada de 3/5 de la Xunta Xeneral p’aprobar tamién la llei que la desarrolle, ta medrando’l ruxerrux de si podría ser aceptable esa comenencia pal movimientu de defensa de la llingua… Nun lo ye.

Esa condición equivaldría a conceder capacidá de vetar cualquier desarrollu posterior de la oficialidá a una minoría de 19 votos de los 45 totales. Un estorbu inaceptable pal avance en cualquier otru derechu social, inaceptable tamién pa los derechos llingüísticos.

Supondría pasar d’una escepcionalidá, la falta d’oficialidá del asturianu y del gallego-asturianu, a otra tanto o más llimitante, duradera y peligrosa pa la recuperación de dambes llingues, la imposibilidá d’aprobar lleis de desenvolvimientu de la oficialidá qu’aseguren el futuru de la identidá llingüística d’Asturies.

La Xunta pola Defensa de la Llingua Asturiana nun lleva trabayando 38 años pa terminar entregando’l trunfu de la oficialidá a los enemigos acérrimes de la diversidá llingüística. Vamos siguir lluchando por una oficialidá qu’enconte la normalización y denunciando los intentos de balerala de significáu y aplicación, vengan de quien vengan.

Posted By xdla read more

Discursu Manifestación pola Oficialidá

Oct
24

Dientro de la noticia pues lleer y descargar el dicursu de la MANIFESTACIÓN POLA OFICILIDÄ del día 16/10/2021 n'Uviéu.

Posted By xdla read more

Pages

Subscribe to RSS - Oficialidá