Caravana pola Oficialidá (Bimenes - Nalón)
La Xunta pola Defensa de la Llingua Asturiana ta preparando una serie d'iniciatives ente los ataques que se tán viviendo hacia los pocos avances que se dan na normalización social del asturianu (recursos de Delegación del Gobiernu a ordenances y reglamentos, campañes mediátiques contra la recuperación de la toponimia, parálisis na presencia de la nuestra llingua na radiotelevisión pública, etc.). Viose la necesidá de responder con actividaes movilizadores pa que la demanda de la oficialidá siga tando presente tol añu, más allá de les feches reivindicatives de siempre. Tamién se busca aprovechar y afitar los llazos de collaboración abiertos colos alcaldes y conceyales que participaron na iniciativa de Conceyos pola Oficialidá.
La primer actividá que se va facer ye una caravana de coches pola oficialidá pel valle del Nalón el domingu 6 de payares. Saldría pela mañana ceo de Bimenes, como conceyu pioneru na proclamación de la oficialidá, y percorrería
los conceyos de Llangréu, Samartín del Rei Aurelio y Llaviana. La idea ye acabar pa la hora de xintar en Sotrondio.