Noticies

MANIFESTACIÓN DÍA DE LES LLETRES ASTURIANES

Abr
22

Nel Día de les Lletres Asturianes, vienres 3 de mayu, la Xunta pola Defensa de la Llingua Asturiana convoca a tola ciudadanía d'Asturies a participar na manifestación que va salir a les 19:30 hores de la Estación del Norte d'Uviéu.

L'asturianu, llingua oficial ¡yá!

Posted By xdla lleer más

GRACIES

Abr
16
Cuando na Xunta pola Defensa de la Llingua Asturiana decidimos llevar alantre la convocatoria de la manifestación del pasáu 6 d’abril, fiximos un llamáu abiertu a la sociedá civil asturiana a sofitar y participar na movilización. Agora, queremos amosar el nuestru arguyu pola respuesta recibida y l’agradecimientu a toles persones y organizaciones que dieron un pasu alantre
 
Posted By xdla lleer más

DISCURSU MANIFESTACIÓN: L'ASTURIANU LLINGUA OFICIAL ¡AGORA!

Abr
10

Equí puedes lleer el discursu completu de la manifestación del día 6 d'abril en Xixón.

Posted By xdla lleer más

La Xunta pola Defensa de la Llingua Asturiana llama a tola sociedá asturiana a volver demostrar l'apoyu masivu a la oficialidá

Abr
05

La Xunta pola Defensa de la Llingua Asturiana (XDLA), entidá que convocó hai un añu la manifestación pola oficialidá onde participaron 30.000 persones, llama otra vuelta a la sociedá asturiana a movilizase pa mostrar el so compromisu col nuestru patrimoniu llingüísticu

Posted By xdla lleer más

La XDLA presenta un cantar y un videoclip como banda sonora de la manifestación pola oficialidá

Abr
05

La escena sonora asturiana nunca quedó de brazos cruciaos nel so compromisu cola llingua d'esta tierra. Dende hai décades, la música vien siendo un preséu fundamental nel procesu de normalización de la llingua asturiana y los cantantes y músicos asturianos usaron la so voz y soníos pa reivindicar la oficialidá, yá fora al traviés de la so participación nel Conciertu pola Oficialidá o faciendo cantares a costafecha pa concienciar sobre la importancia de que l'asturianu algamara l'estatus xurídicu d'oficialidá.

Posted By xdla lleer más

La XDLA entama una campaña nes redes pa que los asturianos muestren l'apoyu a la manifestación pola oficialidá

Abr
05

Hasta'l 6 d'abril los ciudadanos van poder xubir vídeos a les redes dientro de la campaña #OficialidaChallenge

Posted By xdla lleer más

La Xunta pola Defensa de la Llingua Asturiana llama a una nueva manifestación masiva pola oficialidá

Feb
15

La marcha, el sábadu 6 d'abril en Xixón, va venir precedida d'actividaes entamaes poles asociaciones que participen na movilización.

Posted By xdla lleer más

El patrimoniu llingüísticu tien que ser un factor fundamental dientro de la candidatura de la cultura sidrera

Xin
16

La Xunta pola Defensa de la Llingua Asturiana (XDLA) solicita a la Conseyería de Desenvolvimientu Rural y Recursos Naturales que tenga en cuenta’l vocabulariu tradicional y el patrimoniu llingüísticu dientro de la candidatura de la cultura sidrera asturiana a patrimoniu inmaterial de la humanidá de la Unesco. Nesi sentíu, la Conseyería anunció que diben promocionar la candidatura al traviés de delles actividaes que se van poner en marcha estos díes. La XDLA quier recordar que’l nuestru idioma tien que xugar un papel fundamental en tol procesu porque la llingua ye parte indisociable de la cultura de la sidra, una cultura que s’espresa n’asturianu.

Posted By xdla lleer más

La Xunta pola Defensa de la Llingua Asturiana llamenta la exhibición d'inorancia de Pablo Casado sobre l'asturianu

Xin
14

El presidente del Partíu Popular Pablo Casado cargó contra la oficialidá del asturianu nel actu de presentación de candidatures de la tarde del vienres n’Uviéu. Faló d'una “imposición de la cooficialidá por decretu que naide reclama”. Parez inorar partes esenciales del ordenamientu xurídicu del Reinu d’España: el reconocimientu de la oficialidá nun pue facese por decretu, sinon pela via d’una reforma del Estatutu d’Autonomía, pa la que ye necesaria una mayoría ampliada de tres quintes partes de la representación de la Xunta Xeneral.

Posted By xdla lleer más

Cursu d'asturianu n'Uviéu (Avanzáu)

Xin
08

-Profesor: Héctor García Gil

-Sitiu: Cai Cimavilla 15, escalera A, 1.u C.

-Duración: 20 hores.

-Entamu: martes 15 de xineru de 2018

-Horariu: martes y xueves de 19:30 a 21:30.

-Matrícula + material: 30 €

-P'apuntase y info: info@exunta.org // tel.679650998

La Xunta pola Defensa de la Llingua Asturiana ye una entidá acreitada pola Conseyería d'Educación pa la formación permanente del profesoráu.

Posted By xdla lleer más

Páxines