Cursu básicu de llingua asturiana n'Uviéu

cursu

La Xunta pola Defensa de la Llingua Asturiana, como ye vezu, organiza un cursu d’asturianu (nivel aniciu) nel conceyu d’Uviéu. El cursu entama’l martes 11 de payares, nel local del Conceyu Abiertu, La Gascona, 12, baxu A, n’Uviéu.

El cursu tien 40 hores de duración y ta dirixíu sobre manera a persones adultes. Nél, los alumnos y alumes van poder deprender el bon usu del idioma tanto a nivel escritu como oral.

L'horariu va ser de 19'00 a 21'00 hores, los martes y xueves. El preciu de la matrícula completa y materiales ye de 20 euros pa los socios, y de 30 euros pa los non socios.

Toles persones interesaes puen apuntase llamando al 985 22 95 53 / 679 65 09 98 o bien mandando un mail a la dirección: uvieu@exunta.org

La XDLA ye una entidá acreitada pola Conseyería d’Educación pa la formación permanente del profesoráu