Finaliza'l cursu de Llingua Asturiana en Xixón.

Nun actu celebráu esti miércoles 13 de febreru, los y les asistentes al cursu d'asturianu p’adultos qu’entamó la Xunta pola Defensa de la Llingua Asturiana en Xixón recibieron los sos certificaos d'asistencia que, xunto a l'acreitación de la Conseyería d’Educación, Cultura y Deporte reconocen los sos conocimientos de llingua asturiana.

El cursu forma parte d’una de les munches actividaes qu’entama la organización en defensa de los derechos llingüísticos de los asturianofalantes, ente los que tán los cursos p’adultos. El cursu, de 30 hores de clases teóriques y práctiques, fíxose nel local Sestaferia Centru Social y asistieron a él quince alumnos.