¿Quién somos?

Xunta pola Defensa de la Llingua Asturiana

La Xunta pola Defensa de la Llingua Asturiana ye una organización social, independiente y apartidista que tien como únicu ámbitu d’actuación el de la defensa de la llingua asturiana y de los derechos llingüísticos de les persones falantes d’asturianu.

Esto permite que cualquier persona, interesada en trabayar por un futuru dignu pa la llingua asturiana pueda facelo na Xunta, independientemente de la so afinidá política o ideolóxica. Asina mesmo, permite que la Xunta pola Defensa de la Llingua Asturiana pueda actuar como interlocutor válidu pa les rellaciones con otres organizaciones de calter políticu, sindical o con instituciones de cualquier tipu.

Dende la so formación nel añu 1984 la Xunta pola Defensa de la Llingua Asturiana vien trabayando de manera continua na defensa d’un marcu llegal dignu que respete los derechos de les persones falantes d’asturianu: la oficialidá, na dignificación de la llingua asturiana y la so normalización social na enseñanza, nos medios de comunicación, nes alministraciones públiques, na empresa privada, etc.

Xunta Moza

La Xunta Moza ye la organización de mocedá de la Xunta pola Defensa de la Llingua Asturiana. Ye una organización plural, unitaria y apartidista que trabaya na defensa de los derechos llingüísticos de la mocedá asturiano.

 

Trabayamos pol derechu de la xente mozo a vivir n’Asturies na nuestra llingua. Reivindicamos la oficialidá del asturianu como l’únicu marcu llegal que podría garantizar l’accesu a esi derechu.

 

Trabayamos pa que la nuestra llingua tenga una presencia digna nel sistema educativu –dende la enseñanza primaria a la universitaria–, por una radiotelevisión n’asturianu, por una Alministración que faga usu normal del nuestru idioma.

 

Na Xunta Moza lluchamos pa que la mocedá asturiano nun tengamos que ver cómo una llingua milenaria, la del nuestru pueblu, desapaez énte los nuestros güeyos.