La Xunta pola Defensa de la Llingua Asturiana cola creación cultural n'asturianu

La Xunta pola Defensa de la Llingua Asturiana tien un compromisu de faer de ponte ente la industria cultural y la sociedá. Por eso, piensa qu'agora ye'l momentu que la sociedá tire de productos culturales n'asturianu (discos y llibros).

 

Hai que recordar los recortes en política llingüística, la eliminación de les subvenciones pa empreses, asociaciones y pal cine, que van poner más difícil la visibilidá de los productos, y hai que tener en cuenta, que la industria cultural n'asturianu da puestos de trabayu y ayuda, más que naide, a normalizar la nuesa llingua.

 

 

Por eso la XDLA piensa, qu'en Navidá, la sociedá tien que demostrar el so compromisu cola llingua. En 2012 publicáronse cerca de 150 llibros y discos, pensamos que averase a ellos ye la meyor manera d'apoyu a esta industria.

 

En Navidá, Papá Noel, L'Anguleru o los Reis Magos, tenemos que consumir productos de casa, comprometiéndose col futuru d'Asturies.

 

Esta campaña, fecha con medios bien modestos, va intentar espardese per llibreríes independientes y establecimientos que venden discos.