Pa garantizar toles opciones na enseñanza: OFICIALIDÁ

sosxx

La oficialidá ye un marcu que garantiza’l derechu d’asturianos y asturianes a conocer y usar la so llingua, y tamién el deber como comunidá cultural de caltener la riqueza inmaterial que supón una llingua propia. Pero nun ye condición indispensable pa qu’heba un encaxe de la enseñanza na organización curricular de tolos niveles educativos, dende la educación infantil a la universitaria, ensin escluyir la formación profesional.

 

La propuesta de la conseyería competente en materia educativa d’ufiertar n’Educación Primaria Llingua Asturiana o Cultura Asturiana, anque nun ye a la qu’aspiramos, paeznos lo mínimo asumible: cualquier otru cambéu pa facela competir cola enseñanza d’otres llingües supondría acabar con ella.

 

La conseyera d’Educación manifestaba hai unos díes que la enseñanza del asturianu ye una demanda unánime de tolos sos interlocutores na comunidá educativa. La demanda que tien que atender ye la de la oficialidá y non siguir asumiendo la posición del partíu que la apoya, porque oficialidá nun ye obligatoriedá, sinón la reconocencia del derechu de les persones a usar la so llingua y a defender el so futuru como comunidá social responsable d’esi bien cultural.

 

#SOSASTURIANLANGUAGE