La Xunta pola Defensa de la Llingua Asturiana entama una acción reivindicativa urxente esti llunes 2 de febreru a les 11:30 hores, delantre de la Conseyería d'Educación y la Delegación del Gobiernu na Plaza d'España d'Uviéu.
Nes últimes selmanes Ministeriu y Conseyería d'Educación volvieron a enredase y a acabar faciendo qu'ente los dos se torguen los derechos d'estudiantes y profesores al negase la creación de la especialidá docente de Llingua Asturiana. 30 años d'escolarización precaria y falta de derechos llingüísticos nun-yos deben paecer abondo. Contra toles sides xurídiques que siempre ponen, llevamos munchos años diciéndolo: la solución ta ehí y llámase oficialidá.
¡Garra la palabra con toles lletres: Oficialidá!
