Por cuenta de los 30 años de los Premios Andrés Solar de la Xunta pola Defensa de la Llingua Asturiana, abre a tola xente interesao la posibilidá de proponer candidatures tanto pal Pegollu (el premiu que reconoz a aquella persona o entidá que destacare nesti añu 2014 por normalizar l'usu del asturianu), como pa la Madreña de purpurina (pa quien fixere tolo contrario y fore protagonista d'ataques o desprecios al asturianu).
Les candidatures, razonaes, han unviase enantes del 25 de payares a info@exunta.org y un xuráu va valorar los méritos y escoyer ente toles candidatures presentaes.
L'actu d'entrega de los premios sedrá'l 20 d'avientu en Xixón.
Munches gracies a toos y toes por tar equí con nós nesta edición númberu 29 de los premios Andrés Solar. Gracies especiales a la familia d'Andrés que, como siempre, ta equí echándonos un gabitu pa caltener el recuerdu y la memoria del compañeru y militante, y del compromisu vital que tuvo pa con un futuru dignu pa la llingua asturiana.
La Xunta pola Defensa la Llingua Asturiana acaba de dar a conocer los ganadores de los Premios Andrés Solar na so XXIX edición. Nesta ocasión, el Pegollu foi pa la Editorial Bruño y pal Centru Comercial Caudalia. El Madreñazu foi pa Paradores de Turismu.
