Caravana pola Oficialidá pel Valle del Caudal

La Xunta pola Defensa de la Llingua Asturiana ta preparando una serie d'iniciatives ente los ataques que se tán viviendo hacia los pocos avances que se dan na normalización social del asturianu (recursos de Delegación del Gobiernu a ordenances y reglamentos, campañes mediátiques contra la recuperación de la toponimia, parálisis na presencia de la nuestra llingua na radiotelevisión pública, etc.). Viose la necesidá de responder con actividaes movilizadores pa que la demanda de la oficialidá siga tando presente tol añu, más allá de les feches reivindicatives de siempre. Tamién se busca aprovechar y afitar los llazos de collaboración abiertos colos alcaldes y conceyales que participaron na iniciativa de Conceyos pola Oficialidá.

La tercera caravana de coches pola oficialidá va ser pel Valle del Caudal, el sábadu 28 de xineru. Va salir pela mañana, a les 11:30 hores de la Plaza'l Mercáu de Cabanaquinta y va percorrer los conceyos d'Ayer, L.lena y Mieres. Nesti últimu conceyu sedrá'l final de la caravana y la hora de llegada sedrá sobre les 14:00 hores.