La Xunta pola Defensa de la Llingua Asturiana (XDLA) reclama que les audioguíes nueves pa les visites al Conventín de Valdediós incorporen l'asturianu. L'itinerariu, que percuerre los caminos esteriores del conxuntu, pue sentise en castellanu, inglés, francés y alemán, pero non n'asturianu.

·La organización reclama la dimisión de Francisco Orejas y el so equipu directivu énte los pasos atrás de contino nel usu del asturianu en RTPA

La XDLA denuncia otru ataque más a la llingua asturiana dientro de la Universidá d'Uviéu, onde l'asturianu desapaez de la ufierta formativa d'idiomes de La Casa de las Lenguas. La organización alvierte de que, sele que sele, siguen les aiciones escontra la cultura asturiana dende que llegó'l nuevu rectoráu al mandu de la Institución académica.

La convocatoria de la Xunta pola Defensa de la Llingua Asturiana foi una vegada más un ésitu, pola cantidá de xente que participó na marcha, polos colectivos representaos, sindicatos, partíos y asociaciones a los qu’aprovechamos p’agradece-yos l’apoyu, y especialmente pola presencia de mocedá, non solo nel percorríu pela cai Uría, sinón na llectura del manifiestu de la XDLA y na actuación musical d’Algaire, que-y punxo’l broche d’oru a la xornada. La causa de la defensa de les llingües y los derechos de la comunidá falante d’asturianu y de gallego-asturianu tien más puxu que nunca. A pesar del parón institucional que nos quieren vender como insalvable, a pesar de los pasos atrás nel procesu de recuperación llingüística, sabémonos cola razón de la nuestra parte y tenemos el trunfu caldía más cerca.