L’escritor cangués Xabiero Cayarga algamó’l Premiu Críticu de les Lletres Asturianes, na estaya de narrativa, pola obra El sol negru de Wewelsburg que publicó Ediciones Trabe, dientro de la colección Incla interior. El xuráu que taba formáu por Eloy Antuña, Pablo Suárez y Inaciu Llope alcordó, por unanimidá, conceder el premiu a esta obra de la que descaten l’usu depuráu del llinguaxe y l’equilibriu de la so prosa.
L’historiador xixonés Pablo Rodríguez Alonso algamó’l Premiu Críticu de les Lletres Asturianes na categoría d’ensayu pola obra «De totalitarios a demócrates. Franquismu, fascismu y nazismu na II Guerra Mundial al traviés del diariu xixonés Voluntad» qu’espublizara nel 2011 Zahorí Ediciones.
La obra La ñeve del cuquiellu de Xabiero Cayarga, espublizáu pola editorial Trabe en 2011, algama’l primer premiu na categoría de poesía de los Premios Críticos de les Lletres Asturianes. El xuráu, formáu por Xosé Miguel Suárez Fernández, Xuan Santori y Pablo Texón Castañón, decidió por unanimidá concede-y el premiu a esta obra llírica de calter européu, de rasgos intimistes y formalmente brillante.
La obra La mio hermana ye una mofeta de Berta Piñán, con ilustraciones de Francesca Assirelli, y espublizáu pola editorial Pintar-Pintar, algama’l primer premiu na categoría de lliteratura infantil y xuvenil de los Premios Críticos de les Lletres Asturianes.
Si quies collaborar económicamente con Radio Sele, pues facelo na cuenta d'Asociación Cultural Secha (Caxa Rural): 3059 0001 18 2366328629 . La to ayuda ye necesaria. ¡Munches gracies!
La Xunta pola Defensa de la Llingua Asturiana, como ye vezu, organiza un cursu d’asturianu (nivel aniciu) nel conceyu d’Uviéu. El cursu entama’l llunes 19 de payares, nel local del Conceyu Abiertu, La Gascona, 12, baxu A, n’Uviéu.
La institución con sede n’Estrasburgu acaba d'aprobar les recomendaciones al Estáu español del tercer informe sobre'l cumplimientu de la Carta Europea de les Llingües Minoritaries, onde se pide al Gobiernu asturianu que, en collaboración colos falantes, avance na protección llegal del asturianu.
Nel anteproyectu, presentáu hai unes selmanes pol Ministeriu, cuéntase menguar la diversidá curricular n’enseñu primariu, quitar la optatividá na enseñanza secundaria obligatoria y facer desapaecer itinerarios formativos.
Los planes del ministru d’Educación, Cultura y Deporte, José Ignacio Wert, pa la futura Llei Orgánica que nel Gobiernu del PP llamen “de Meyora de la Calidá Educativa” van suponer tamién un ataque al enseñu de la llingua asturiana.
