Emmanuel Le Merlus, activista pola llingua bretona, ta de visita estos díes per Asturies, depués de recorrer 17.000 km y más de 28 estaos col oxetivu de promover la diversidá cultural y el conocimientu mutuu ente les minoríes llingüístiques d’Europa.

Ye verdá que ta malo de facese oyer nestos tiempos, pero la defensa del nuestru idioma ta perriba de circunstancies coxunturales, por mui abegoses que seyan, porque tamos nuna carrera contra reló contra'l desaniciu. Mentes quedemos xente lleal a la llingua, vamos siguir demostrándolo tolos díes, en toles ocasiones, na escuela, nel trabayu, nes cais... Vamos conquistar un futuru pa la nuestra llingua y pa la nuestra sociedá.

La Xunta pola Defensa de la Llingua Asturiana (XDLA) valora de forma mui negativa’l determín de la Xunta Asesora de Toponimia del Principáu d’Asturies (XAT) de proponer al Conceyu de Carreño una forma doble pa Quimarán y El Pieloro, de manera que seríen oficialmente Quimarán/Guimarán y El Pieloro/Piedeloro.

Esti Día de les Lletres del 2012 vamos volver a reivindicar nes cais l'estatus d'oficialidá pa la llingua asturiana y el desarrollu d'una política llingüística amañosa que faiga posible que l'idioma sobreviva pa les xeneraciones futures. Nos tiempos dificiles ye cuando más hai qu'amosar el compromisu y la ilusión con un proyectu que nos va definir siempre como comunidá.