Esti martes 27 d'ochobre, cuasi a la mesma hora que’l presidente Adrián Barbón lleía unes palabres n’asturianu y en gallego-asturianu nel plenu de la Xunta Xeneral, el plenu del Conceyu de Siero refugaba a iniciativa de Vox la toma en consideración d’una propuesta namás porque taba presentada n’asturianu. Y fíxolo amás cola complacencia del alcalde socialista Ángel García, que diz que ye como si daquién presenta una moción en chinu, qu'él el chinu nun lo entiende.

Puedes lleer el discursu de la XDLA, nel Día de la Les Lletres Asturianes, entrando na noticia.

Esti llunes 28 de setiembre va llevase a consideración na Xunta Xeneral una agresión nueva de la estrema derecha contra’l derechu al usu de la llingua asturiana.

Yolanda González Huergo, Yoli, la nuestra compañera, acaba de dexanos. Son tantos años viéndonos, falando, organizando actividaes, militando xuntos y calteniendo viva la reivindicación llingüística... que se nos fai imposible pensar n'entamar nada ensin tenela a ella ehí, cola so implicación y la so capacidá de trabayu.

Los sos munchos compromisos políticos y sociales nunca la desvincularon de la Xunta pola Defensa de la Llingua Asturiana. En conceyos, en manifestaciones, en conciertos, nos Premios Andrés Solar... siempre taba Yoli, cola so sonrisa y la so voz allegre.

Yoli, nun va ser lo mesmo ensin ti, pero cuando volvamos a la xera vamos tener mui presente na nuestra alcordanza'l to exemplu. Pues tar segura de qu'esi futuru nel que creyíes y pol que tanto lluchasti va llegar.