GRACIES
posted by xdla
on Mar, 16/04/2019 - 16:42
Cuando na Xunta pola Defensa de la Llingua Asturiana decidimos llevar alantre la convocatoria de la manifestación del pasáu 6 d’abril, fiximos un llamáu abiertu a la sociedá civil asturiana a sofitar y participar na movilización. Agora, queremos amosar el nuestru arguyu pola respuesta recibida y l’agradecimientu a toles persones y organizaciones que dieron un pasu alantre
Gracies a los y les qu’ayudaron cola so música: al Colectivu Músicos pola Oficialidá pol cantar Falando, la BSO d’esta manifestación. Gracies a les Pandereteres pola Oficialidá, a la Bandona de Gaites pola Oficialidá y a Dani Stylo poner música a la manifestación, enfrentándose a los elementos (non solo meteorolóxicos). Gracies a Marisa Valle Roso y a Fruela 757.
Gracies a Alberto Suárez, Javi Lueje y Xicu Ariza pol trabayu d’imaxe y propaganda. Gracies a Ana Morán, Sonia Fidalgo y José Antonio Lobato por dexanos la so voz.
Gracies a toles organizaciones culturales, deportives, sociales, sindicales y polítiques qu’ayudaron a esparder la convocatoria per toa Asturies. Gracies especialmente a la Plataforma pola Oficialidá del Gallego-Asturianu, a Reciella, Families pol Asturianu, a la Rede pola Oficialidá de la Contorna d’Avilés pol vuestru trabayu constante na defensa d’esti idioma. Gracies a les persones y organizaciones que formaron el Bloque Mozu. Ye siempre un arguyu lluchar al vuestru llau.
Munches gracies a toles persones que participaron nes redes sociales espardiendo les imáxenes de la convocatoria, a les que participaron nel retu #OficialidáChallenge y a los músicos qu’amestaron la so versión del cantar "Falando". A tola xente que dio la cara pola Oficialidá primero tovía de que llegara’l día de la manifestación.
Gracies a toes y toos los que’l 6 d’abril vinistis con nós a moyavos, lliteralmente, pola oficialidá.
¡Nin un día más con un derechu menos!
L’asturianu, llingua oficial, ¡agora!