La Xunta pola Defensa de la Llingua Asturiana llama a una nueva manifestación masiva pola oficialidá
posted by xdla
on Vie, 15/02/2019 - 19:53
La Xunta pola Defensa de la Llingua Asturiana (XDLA) convoca una manifestación pola oficialidá d'asturianu y
gallego-asturianu'l sábadu 6 d'abril a les seis de la tarde en Xixón. Depués de contactos con entidaes y asociaciones de toa Asturies, trabáyase na preparación d'esta movilización con un programa descentralizáu d'actividaes de toles menes (culturales, recreatives,
musicales, gastronómiques, deportives...) hasta llegar al día de la manifestación.
Les entidaes del texíu asociativo interesaes en collaborar cola difusión d'esta convocatoria puen sumase a ella entamando actividaes onde figure la imaxe de la campaña llamando a la manifestación. Amás tamién se va repartir material informativo sobre la oficialidá.