RTPA

Depués de conocer l'informe nuevu del Comité d'Espertos de la Carta Europea de les Llingües Rexonales o Minoritaries del Conseyu d'Europa, publicáu esti martes, la Xunta pola Defensa de la Llingua Asturiana (XDLA) acusa al Principáu y a RTPA de falsiar los datos apurríos a esti organismu internacional sobre'l procesu de normalización llingüística del nuestru idioma nel ente públicu de comunicación.

La XDLA reclama a los grupos parllamentarios qu'empiecen el procesu pa cambiar la dirección actual

·La organización reclama la dimisión de Francisco Orejas y el so equipu directivu énte los pasos atrás de contino nel usu del asturianu en RTPA

La Xunta pola Defensa de la Llingua Asturiana (XDLA) critica la emisión esti sábadu d'un especial en TPA en castellanu sobre la participación asturiana nel Festival Intercélticu de Lorient, el de más importancia del Arcu Atlánticu y onde esti añu Asturies yera la invitada d'honor. Asina, anque 'Añu d'Asturies en Lorient' tenía'l títulu n'asturianu y los gráficos y la publicidá del mesmu foron nesti idioma, el programa nun yera más qu'un refritu de los reportaxes en castellanu emitíos nel programa 'Conexión Asturias'.

Mentes el restu de Gobiernos autonómicos trabayen pa llevar les sos llingües a les plataformes audiovisuales, n'Asturies nin se cumple col Estatutu actual y la Llei d'Usu

La Xunta pola Defensa de la Llingua Asturiana (XDLA) esixe a la dirección de RTPA la puesta en marcha d'una programación infantil nel nuestru idioma duradera nel tiempu. Amás, la organización reclama qu'estos conteníos se cubran col propiu presupuestu de RTPA.

Dende qu'empezó la llexislatura, la radiotelevisión pública dedicó cero euros del so presupuestu a la producción de conteníos nes llingües propies d'Asturies

RTPA sigue dando'l llombu a la sociedá asturiana con una programación marcada polos prexuicios ideolóxicos de la so dirección y del conseyeru de Presidencia del Gobiernu d'Asturies, Guillermo Martínez, del que depende RTPA. La televisión pública sigue marxinando los conteníos nel nuestru idioma, l'usu de la toponimia oficial y tratando al nuestru patrimoniu llingüísticu -nos más de los programes-, como una caxigalina que namás val pa facer chancia y pa los conteníos más d'andar per casa. Ye una situación qu'incumple sistemáticamente la Llei d'Usu, a la qu'agora dalgunos tanto s'agarren.

La XDLA solicita que los 70.000 pal usu del asturianu en TPA vayan al doblaxe de dibuxos animaos.

La programación ta cada día más alloñada de la idiosincrasia asturiana, lo que se traduz en menos audiencia.

Siguen estrenándose formatos nuevos y producción ayena en castellanu que les más de les veces nun llega al 1 %.