La oficialidá ye un marcu que garantiza’l derechu d’asturianos y asturianes a conocer y usar la so llingua, y tamién el deber como comunidá cultural de caltener la riqueza inmaterial que supón una llingua propia.

La XDLA pide a PSOE y PP qu'introduzan na Llei la normalización llingüística como otra de les misiones del serviciu públicu de RTPA. Foru Asturies y Izquierda Xunida yá enmendaron p'algamar esi oxetivu.
La Xunta pola Defensa de la Llingua Asturiana (XDLA) pide a tolos partíos con representación parllamentaria qu’afiten a la RTPA como ferramienta de normalización social del asturianu na Llei nueva que se ta preparando. Depués de la superación esti vienres 13 de xunu del Plenu de Totalidá colos votos de PSOE, PP ya IU, la organización cívica quier dirixise sobre too a socialistes y populares, porque Foru Asturies y Izquierda Xunida yá presentaron enmiendes qu'introducíen la normalización llingüística como una de les misiones del serviciu públicu de radio y televisión d'Asturies.

La Xunta pola Defensa de la Llingua Asturiana y Xunta Moza espresen la so fonda solidaridá con toles persones y colectivos que vienen desarrollando estos años el proyectu del CSOA La Madreña. Llabor que pudo visualizase ente la xente de la ciudá d'Uviéu a traviés miles d'actividaes culturales y reivindicatives. En bien d'eses actividaes tenemos participao y de la mesma manera, tenemos siempre atopao una gran recepción a les nuestres propuestes. Consideramos al CSOA La Madreña un proyectu indispensable pa Uviéu y Asturies.

Güei ye'l Día de les Lletres Asturianes, un día de festexu, pero tamién un día de reivindicación. Festexamos qu'esta llingua nuestra siga viva tovía na voz de munchos asturianos y asturianes, pero tamién reivindicamos que los responsables políticos tomen les midíes necesaries pa poner remediu al procesu de desaparición que ta sufriendo.
Nun vos preocupar: esti día, pa presentar la Selmana de les Lletres, dixo la conseyera d'Educación que lo de la normalización y la toponimia y eso... que va bien. Y que, si eso, van ver si topen tiempu pa pidir al Ministeriu lo de la especialidá de primaria y secundaria. Que lo van intentar, que por intentalo que nun quede, ho. Y quedó tán ancha.