Noticies

La XDLA pide a tolos partíos qu’afiten a la RTPA como ferramienta de normalización social del asturianu

Jun
17
100nasturianu

La XDLA pide a PSOE y PP qu'introduzan na Llei la normalización llingüística como otra de les misiones del serviciu públicu de RTPA. Foru Asturies y Izquierda Xunida yá enmendaron p'algamar esi oxetivu.
La Xunta pola Defensa de la Llingua Asturiana (XDLA) pide a tolos partíos con representación parllamentaria qu’afiten a la RTPA como ferramienta de normalización social del asturianu na Llei nueva que se ta preparando. Depués de la superación esti vienres 13 de xunu del Plenu de Totalidá colos votos de PSOE, PP ya IU, la organización cívica quier dirixise sobre too a socialistes y populares, porque Foru Asturies y Izquierda Xunida yá presentaron enmiendes qu'introducíen la normalización llingüística como una de les misiones del serviciu públicu de radio y televisión d'Asturies.

Posted By xdla read more

El 7 de xunu va celebrase’l XXVI Conciertu pola Oficialidá

May
23
26conciertu

El sábadu 7 de xunu, organizáu pola Xunta pola Defensa de la Llingua Asturiana, va facese otru añu más el Conciertu pola Oficialidá, ún de los principales festivales musicales d'Asturies, qu'encara la so ventésimu sesta edición.

Posted By xdla read more

#LaMadreñaNunPieslla

May
20
sacallingua

La Xunta pola Defensa de la Llingua Asturiana y Xunta Moza espresen la so fonda solidaridá con toles persones y colectivos que vienen desarrollando estos años el proyectu del CSOA La Madreña. Llabor que pudo visualizase ente la xente de la ciudá d'Uviéu a traviés miles d'actividaes culturales y reivindicatives. En bien d'eses actividaes tenemos participao y de la mesma manera, tenemos siempre atopao una gran recepción a les nuestres propuestes. Consideramos al CSOA La Madreña un proyectu indispensable pa Uviéu y Asturies.

Posted By xdla read more

Valoración del cumplimientu del ‘Protocolu pa la visibilidá de la Selmana de Les Lletres en RTPA’

May
16
lletres

Hai selmanes, la Xunta pola Defensa de la Llingua Asturiana (XDLA) unviaba a la Dirección Xeneral de Política Llingüística y de RTPA’l documentu Protocolu pa la visibilidá de la Selmana de les Lletres en RTPA, onde la organización proponía diez idees pal tratamientu d’esta xornada d'homenaxe públicu y institucional a la lliteratura escrita en llingua asturiana y gallego-asturianu nos medios públicos. Desque pasada la Selmana de les Lletres, la organización quier mostrar les lluces y les solombres sobre’l cumplimientu d’esti Protocolu, onde se puen ver pasos alantre bien claros, pero tamién desdexamientu en dellos puntos. Hai que recordar que RTPA ye un mediu públicu que, d'alcuerdu cola llexislación vixente, tien qu’usar y fomentar l’usu del idioma, amás d’atender al interés xeneral de la sociedá asturiana.

Posted By xdla read more

Discursu Día Lletres 2014

May
12
mani2014

Güei ye'l Día de les Lletres Asturianes, un día de festexu, pero tamién un día de reivindicación. Festexamos qu'esta llingua nuestra siga viva tovía na voz de munchos asturianos y asturianes, pero tamién reivindicamos que los responsables políticos tomen les midíes necesaries pa poner remediu al procesu de desaparición que ta sufriendo.
Nun vos preocupar: esti día, pa presentar la Selmana de les Lletres, dixo la conseyera d'Educación que lo de la normalización y la toponimia y eso... que va bien. Y que, si eso, van ver si topen tiempu pa pidir al Ministeriu lo de la especialidá de primaria y secundaria. Que lo van intentar, que por intentalo que nun quede, ho. Y quedó tán ancha.

Posted By xdla read more

La XDLA pide al Gobiernu d’Asturies visibilidá pal llibru n'asturianu

May
02
llibros

L’Alministración autonómica ultima una propuesta de Llei de Biblioteques pa fomentar la llectura y articular la rede pública de biblioteques.
El Gobiernu d’Asturies ta preparando una Llei de Biblioteques, norma que quier fomentar la llectura y definir el sistema bibliotecariu d'Asturies. Ye de reseñar que l’añu pasáu más de tres millones d’usuarios pasaron per estos equipamientos culturales. Por eso, la Xunta pola Defensa de la Llingua Asturiana (XDLA) esixe a l’Alministración pública que tenga en cuenta que n'Asturies existe una realidá llingüística propia con una lliteratura importante, polo que la Llei de Biblioteques nueva tien que ser fundamental pa visibilizala.

Posted By xdla read more

La XDLA denuncia que los más de los conceyos nun usen la toponimia oficial nes sos propies páxines web

May
02
mapa

Los decretos de toponimia aprobaos afiten que los topónimos asturianos tienen la consideración d’oficiales a tolos efectos.
Depués del requerimientu fechu a toles conseyeríes del Gobiernu del Principáu d’Asturies pol incumplimientu de los decretos de toponimia aprobaos, la Xunta pola Defensa de la Llingua Asturiana (XDLA) pon agora’l focu nes páxines web de los 51 conceyos qu’aprobaron la modificación de la so toponimia y, tres un análisis percompletu, el resultáu ye esmolecedor: namás siete d’esos conceyos utilicen los topónimos oficiales nes sos propies páxines web, al marxe de que tengan o non versiones en llingua asturiana o gallego-asturianu; los otros 44 conceyos incumplen nelles la llegalidá toponímica.

Posted By xdla read more

MANIFESTACIÓN: ¡L'ASTURIANU, LLINGUA OFICIAL!

Apr
26
mani2014

Uviéu. Vienres 9 de mayu, a les 19:30 h. Dende La Estación del Norte hasta'l Teatru Campoamor. Con motivu del Día de Les Lletres Asturianes.

Posted By xdla read more

La XDLA pide a los partíos políticos que negocien un articuláu sobre la presencia del idioma na llei nueva de RTPA

Apr
17
Xunta Xeneral

De momentu, IX y Foru Asturies presentaron enmiendes p’ameyorar la situación del asturianu nos medios públicos

Posted By xdla read more

Videu de la mesa redonda "La tele que queremos"

Apr
08
queremosteleast

Yá ta disponible la grabación de la mesa redonda "La tele que queremos. El papel d'un serviciu públicu como normalizador del idioma" gracies a Alderiques d'Asturies. La mesa, entamada pola Xunta pola Defensa de la Llingua Asturiana, desarrollóse nel CSOA La Madreña, el 26 de febreru.

Posted By xdla read more

Pages