Pal sábadu 27 d’abril, a les 19.30 hores, nel C.S.O.A La Madreña d’Uviéu, Xunta Moza tien organizao’l Preconciertu pola Oficialidá, actividá que va servir como presentación del XXV Conciertu pola Oficialidá. Concidiendo cola celebración del cuartu de sieglu d’esti actu, la Xunta Moza y la Xunta pola Defensa de la Llingua Asturiana entamen varies celebraciones pa festexar la reivindicación de la llucha pola oficialidá dende la música.

Xunta Moza, la mocedá de la Xunta pola Defensa de la Llingua Asturiana, y Reciella, un grupu de families que trabayen la tresmisión xeneracional del idioma asturianu, entamen esti sábadu 20, a les 11:30 hores, nel Centru Social Ocupáu y Autoxestionáu La Madreña d'Uviéu, una actividá pa la rapacería na que'l polifacéticu actor Carlos Alba “Cellero” va facer un cuentacuentos n'asturianu pa neños y neñes d'hasta unos 7 años.

Esti sábadu 13, dende les 12h, vamos tar echando unos bailles nel CSOA La Madreña.

La Xunta pola Defensa de la Llingua Asturiana organiza un cursu d’afondamientu llingüísticu pa persones adultes de 40 hores de duración, nel que los los alumnos y alumnes van poder afondar nel bon usu del idioma tanto a nivel escritu como oral, asina como nes relaciones ente llingua y sociedá.