Oficialidá

La Xunta pola Defensa de la Llingua Asturiana (XDLA) denuncia que la web nueva del Institutu Asturianu d'Alministración Pública Adolfo Posada nun tien versión en llingua asturiana, lo que dexa en papel moyao les palabres del Executivu sobre la “tresversalidá” de la política llingüística.

Depués d'esti añu tan abegosu, que'l 2021 seya'l de la #oficialidá.

¡Felices fiestes y bona oficialidá 2021!

Puru Remangu, la inciativa empresarial que comercializa ropa y otros productos con mensaxes n’asturianu resultó ganadora de la edición XXXVI del Premiu Andrés Solar. La Xunta pola Defensa de la Llingua Asturiana (XDLA) valoró de manera mui positiva l’usu de la nuestra llingua na imaxe, nes campañes y nos diseños reivindicativos, feministes y modernos que faen de Puru Remangu una marca reconocible y reconocida, yá tamién fuera d’Asturies. El so apueste pol asturianu tamién pudo vese nes sos redes sociales y conectó cola xente más mozo con iniciatives cuasi virales.

Puru Remangu, la inciativa empresarial que comercializa ropa y otros productos con mensaxes n’asturianu resultó ganadora de la edición XXXVI del Premiu Andrés Solar. La Xunta pola Defensa de la Llingua Asturiana (XDLA) valoró de manera mui positiva l’usu de la nuestra llingua na imaxe, nes campañes y nos diseños reivindicativos, feministes y modernos que faen de Puru Remangu una marca reconocible y reconocida, yá tamién fuera d’Asturies. El so apueste pol asturianu tamién pudo vese nes sos redes sociales y conectó cola xente más mozo con iniciatives cuasi virales.

Esti martes 27 d'ochobre, cuasi a la mesma hora que’l presidente Adrián Barbón lleía unes palabres n’asturianu y en gallego-asturianu nel plenu de la Xunta Xeneral, el plenu del Conceyu de Siero refugaba a iniciativa de Vox la toma en consideración d’una propuesta namás porque taba presentada n’asturianu. Y fíxolo amás cola complacencia del alcalde socialista Ángel García, que diz que ye como si daquién presenta una moción en chinu, qu'él el chinu nun lo entiende.

Puedes lleer el discursu de la XDLA, nel Día de la Les Lletres Asturianes, entrando na noticia.

L’ASTURIANU, LLINGUA OFICIAL, ¡AGORA!

Concentración. Esti vienres 2 d’ochobre, a les 19:00 hores. Na cai Suárez de la Riva d’Uviéu.

Esti llunes 28 de setiembre va llevase a consideración na Xunta Xeneral una agresión nueva de la estrema derecha contra’l derechu al usu de la llingua asturiana.

La XDLA pola defensa de la llingua asturiana pide responsabilidá a los partíos políticos pa sacar alantre una reforma del estatutu qu'acabe d'una vez cola marxinación llingüística.

La llingua asturiana tien que formar parte del procesu de reconstrucción social y económicu que se ponga en marcha desque acabe la crisis sanitaria y l'estáu d'alarma.

A pesar de que'l Día de les Lletres Asturianes -que se celebra tolos años el vienres de la primer selmana de mayu- quedó aplazáu hasta la seronda pola crisis sanitaria xenerada pol #Covid-19, la Xunta pola Defensa de la Llingua Asturiana (XDLA) va siguir cola reivindicación llingüística.

Dientro de la noticia, puedes ver el videu que se fixo pa esti día.