Noticies

Proyectu 2018: siguen los contactos pa la reforma del Estatutu.

Och
20

Ayeri axuntamos col Secretariu Xeneral de la FSA, Adrián Barbón, per primer vez depués de que nel so congresu declararen y aprobaren el compromisu de la formación de defender la oficialidá del asturianu.

Posted By xdla lleer más

CARRERA POLA OFICIALIDÁ - AVISU IMPORTANTE

Och
10

La Delegacion del Gobiernu n'Asturies acaba comunicanos que deniega'l permisu pa la celebración de la carrera, polo que nos vemos obligaos a suspendela.

Vamos dar orde de devolución de les cuotes d'inscripción a les decenes de persones inscrites y tamos analizando les sides que ponen pa esta prohibición y estudiando acciones pa denunciar lo que nos parez, de mano, una decisión arbitraria de la Delegación del Gobiernu n'Asturies.

Queremos agradecevos la vuestra intención de participar, tanto a les persones que dibeis competir como les que vos ufrierais pa echar una mano na organización y pidimos disculpes polos trestornos que vos cause esta cancelación.

Posted By xdla lleer más

LA XDLA celebra’l pasu dau pola FSA nel camín hacia la oficialidá

Och
04

El domingu foi un día de celebración pa los y les militantes socialistes qu’entienden que nun se pue defender una llingua ensin respetar los derechos de la xente que la fala: una propuesta de la militancia a favor de lluchar por una futura oficialidá de la llingua, defendida nes agrupaciones llocales, algamaba’l preste nel 32º congresu de la FSA-PSOE. La Xunta pola Defensa de la Llingua Asturiana compartió la celebración y felicitó a los protagonistes d’esi alcuerdu. Entendemos l’allegría de sentir que’l to partíu por fin pue ser parte de la única solución aceptable pal conflictu llingüísticu d’Asturies: el reconocimientu de la oficialidá del asturianu y del gallego-asturianu

Posted By xdla lleer más

La XDLA, énte'l congresu de la FSA

Set
30
fsa

Esti fin de selmana va cellebrase'l congresu de la Federación Socialista Asturiana. Agradecemos el convite pa acudir a la inauguración y la clausura, cola esperanza de que sía una ocasión pa presenciar pasos definitivos nel reconocimientu del asturianu.

Posted By xdla lleer más

Vidiu Proyectu 2018

Set
30

Equí, vas poder ver el vidiu de la campaña Proyectu 2018, entamada pola Xunta pola Defensa de la Llingua Asturiana.

Posted By xdla lleer más

CARRERA POLA OFICIALIDÁ

Set
14

Va celebrase'l 14 d'ochobre a les 16.00 hores en Santuyano (Bimenes) y va haber dos pruebes: una llarga y competitiva de 16 km y otra non competitiva de 3 km.

Yá ta abiertu'l plazu d'inscripciones pa la I Carrera pola Oficialidá, entamada pola Xunta pola Defensa de la Llingua Asturiana y el Conceyu de Bimenes.

Posted By xdla lleer más

Presentación Proyectu 2018

Set
11

El 23 de setiembre que vien la Xunta pola Defensa de la Llingua Asturiana va presentar la campaña PROYECTU 2018 pola oficialidá.

L'actu va celebrase a les 12 de la mañana nes instalaciones nueves de la que foi Escuela de Comerciu, na cai Tomás y Valiente de Xixón.

Posted By xdla lleer más

La XDLA acusa al PP de ser el partíu qu'históricamente siempre ta contra los derechos individuales de les persones

Xnt
19

El partíu lideráu por Cherines usa los ataques al asturianu como una manera de esconder mediáticamente los casos de corrupción que chisquen a la formación.

La Xunta pola Defensa de la Llingua acusa al partíu de tar en contra de la llibre elección de les families que tanto diz defender n'otres comunidaes.

Posted By xdla lleer más

L'Arcu Atlánticu censura una charla de la XDLA

Xnt
18

La Fundación Municipal de Cultural afirma qu'una charla pa presentar el Proyectu 2018 nun encaxa nun festival que nesta edición pretende poner en valir les llingües minoritaries europees.

La XDLA acusa a los organizadores de querer tapecer la realidá na que vive la llingua asturiana y crítica que se tenga'l valor de pidir a una asociación que modifique'l conteníu d'una presentación.

Posted By xdla lleer más

la XDLA va participar nel Foru de debate sobre la Carta Europea de les Llingües Minoritaries

Xun
28

Esti xueves 29 de xunu, la Xunta pola Defensa de Llingua Asturiana va participar nel Foru de debate sobre la Carta Europea de les Llingües Rexonales o Minoritaries qu'entama'l Consello da Cultura Galega cola collaboración del Conseyu d'Europa.

Posted By xdla lleer más

Páxines